1. unerhört solide Pizzera & Jaus 0:25
  2. hooligans Pizzera & Jaus 0:25
  3. absätze > hauptsätze Pizzera & Jaus 0:19
  4. wir gewinnt Pizzera & Jaus 0:24
  5. mama Pizzera & Jaus 0:24
  6. stufen Pizzera & Jaus 0:25
  7. eine ins leben Pizzera & Jaus 0:21
  8. warm & wärmer Pizzera & Jaus 0:29
  9. jedermann Pizzera & Jaus 0:26
  10. wannst schlofst Pizzera & Jaus 0:30
Album on Album on Album on

Lyrics

unerhört solide

wir hom long üwalegt wie mas wiarkli schofft
wie ma a adabei is bei seitenblicke locht
für seitenblicke samma zu fokussiert
wüst in dem gschäft uwalem hom sie zu uns gsogt
sui dei lebn a hit wern brauchst an plottnvatrog
nur vaträge vertrogt ma nur wemma kniat
und wonnst konnst loss di bei dancingstars einkaufn
wer tonzt hot ka göd zum saufn

wir hom long üwalegt wie mas wiarkli schofft
wiesd di söbst üwalebst an fuaßabdruck hintalosst
für fußabdrücke san unsre fiaß anfoch zschiach
wüst in dem gschäft üwalem wüst in dem gschäft ana wern
wüst a star sein wüst fame wüst du strohln wie a stern
so vü highlights trotzdem ka licht
ihr kriagts heit unsre reinste liebe
und jetz wirds unerhört solide

es geht um pure emotion a gfühl des du kriagst
wos di vaeinnahmt und donn auf a ort und weise berührt
woraufst di einlosst wos di high mocht und di so sehr vaführt
wosd sogst sowas hob i in meim gonzn lebn no net gspiat

wonn du zlong üwalegst wie mas wirkli schofft
wonnst di söbst üwagehst angst vorm foischn schritt host
sovü schritte wo sie dei spur valiat
bergauf hom si schon vü valaufen
bergob heast as olle schnaufen

es geht um pure emotion a gfühl des du kriagst
wos di vaeinnahmt und donn auf a ort und weise berührt
woraufst di einlosst wos di high mocht und di so sehr vaführt
wosd sogst sowas hob i in meim gonzn lebn no net gspiat
nur dass du so a gfühlswöd in an fremdn kopf schoffst
is wia so vüles im lebn leichter gsogt ois a gmocht
weil wannst olles gibst kannst a olles valiarn
nur wüst wissen wias schmeckt muasst as hoit a probiern

es is dei eiserner wille der dir verbietet zu scheitern
es is dei ehrgeiz der di zwingt dein horizont zu erweitern
es is a sucht es is a liebe es ist oft a sehr einsam
doch du wüst den druck die spannung die di völlig vereinnahmt
dei angst zu fallen is groß doch dei wille is größer
reiß ois ein baus neig nur schöner größer pompöser
atme aus atme ein die mauer wirkt jetzt poröser
jetzt renn an schlog sie ein bis jeder brocken zerbröselt

du bist solang unbesiegbar bis du di söwa aufgibst
a hoffnungsträger is der trogt und net der obn draufliegt
a totengräber is der grobt bevor du zu staub wirst
drum zreiss die wöd und sei a höd solang du no drauf bist
stö di noch vua sprich di aus anstott zu entsprechen
fong an zum tuan und brich aus anstott zu zerbrechen
stös da vua stich heraus kane leeren versprechen
bist du mann oder maus wall du darfst niemois vagessn

es geht um pure emotion a gfühl des du kriagst
wos di vaeinnahmt und donn auf a ort und weise berührt
woraufst di einlosst wos di high mocht und di so sehr vaführt
wosd sogst sowas hob i in meim gonzn lebn no net gspiat
nur dass du so a gfühlswöd in an fremdn kopf schoffst
is wia so vüles im lebn leichter gsogt ois a gmocht
weil wannst olles gibst kannst a olles valiarn
nur wüst wissen wias schmeckt
muasst as hoit a probiern

ihr kriagts heit unsre reinste liebe
und jetzt wirds unerhört solide

hooligans

oft hob is gfühl dass i anfoch nimmer laufen konn
i suit vü weiter sein nur irgendwos blockiert mein gang
siech ka zü und i fong mit mir zum raufen on
is wos i wü wiakli des wo i stuiz drauf sein konn
i stagnier und sinnier beim bier ob i mi gspia
karikier auf papier wie i mi valier
gspia die gier tiaf in mir wie a großwesir
und brillier am klavier mit am dosenbier

nur allan die totsoch dass du mi kennst
wiakt auf mi scho äußerst beruhigend
wurscht wie hoch die wond is wosd zuwirennst
wir rennen nebnanond so wie hooligans

monchmol schmerzt jeder schritt wie a messerstich
nix hot an wert und ois wiakt unvabesserlich
host vü great und donn gmeakt es erschwert die sicht
wos dir gheat is nix wert sondern lächerlich

i bin la ois is schwar sogar die gitarr
fühl mi klan steh allan am himalaya
bin ka star lapidar wall i nix daza
am radar nur die bar wo i owilaa

nur allan die totsoch dass du mi kennst
wiakt auf mi scho äußerst beruhigend
wurscht wie hoch die wond is wosd zuwirennst
wir rennen nebnanond so wie hooligans

nur allan die totsoch dass du mi kennst
wiakt auf mi scho äußerst beruhigend
wurscht wie hoch die wond is wosd zuwirennst
wir rennen nebnanond so wie hooligans

gspiast as dafiast as
zamm dahebn wir des lebn kapiast as
oder hosst as dablost as
issas net guat für di donn gehst und valosst as

nur allan die totsoch dass du mi kennst
wiakt auf mi scho äußerst beruhigend
wurscht wie hoch die wond is wosd zuwirennst
wir rennen nebnanond so wie hooligans

wurscht wie hoch die tonlag mit der du kämpfst
wir singen nebnanond so wie hooligans

nur allan die totsoch dass du mi kennst
wiakt auf mi scho äußerst beruhigend
wurscht wie hoch die wond is wosd zuwirennst
wir rennen nebnanond so wie hooligans

absätze hauptsätze

sei anzug sitzt und er ihr gegenüber
und langsam kriagt a wiakli unguats gfü
ihr giatl den sie kleid schimpft der is süwa
und a die wolverine-nägl sand zfü
und langsam kriagt a den verdacht verdacht
dass wann sie hamkummt kummt in der nocht
an hoibm bipa im gsicht im gsicht
dass sie mit cillit bang abschminkt

und je höher die absätz desto kürzer a die hauptsätz
und je höher die absätz desto kürzer san die sätz
und je höher die absätz desto kürzer a die hauptsätz
und je höher die absätz desto kürzer san die sätz

ihr kladl sitzt und er ihr gegenüber
und langsam kriagts a wiakli unguats gfü
sei hoiskettal is gold sei uhr aus süwa
a penthouse hot er a auf da mahü
und langsam kriagt sie den verdacht verdacht
dass sei auto und a die yacht
für die segelturnregatta zoiht
die mastercard vom papa

und sie sagt: du konnst no so vü auf ex saufn
du bist und bleibst hoid a komplexhaufn
(er:) i konn ma no so vü moet kaufn
i werma di heid neama sche saufn

und je höher die absätz desto kürzer a die hauptsätz
und je höher die absätz desto kürzer san die sätz
und je höher die absätz desto kürzer a die hauptsätz
und je höher die absätz desto kürzer san die sätz

und je höher die absätz desto eha wirds flachglegt
und je höher die absätz desto kürzer san die sätz

wir gewinnt

glaub ma du büdst da des ein
dass i waß wo dei wohnheim is
und dass i aufd nocht monchmoi schau
obsd no online bist
und dass i mei kroft dafia brauch
dass i woat auf di
bis du mia schreibst
und des is oft a hoat für mi

wall wonn i wo einegeh bin i a großer
noch meine auftritt signier i mei poster
wonn ma sis eingesteht is mei brün rosa
wall bei dir dasauf i und du beschreibsts wossa

es woa dei schensta föhla
den i gern wiedahui
in ihre händ bist du a tölla
den sie schmeißt wie an boi
und gonz egal wie weits di owe haut
und i wieda foi
du kummst net los von ihr
und wü a net sie losst ma ka woi
na na es is jo net a so
dass i mi niemois beschwert hätt
und regelmäßig wegen ihr
vor deine leit pleat hättst
es gibt nix nix nix
wos i ihr jemois vawehrt hätt
und unterm strich wird söbstwert
anfoch überbewertet

du du du du du waßt net wie i fühl
und du du du du du waßt net wos du wüst
und du du du du du waßt net wie i fühl
und du du du du du waßt net wos du wüst

now
now
now
na na na now
now
now
now
na na na now

und gonz egal wohin sie ziagt
loss net zua dassd di für sie vabiagst
und wonn sie niemois wieda zruckschreim wird
loss net zua dassd di für sie vabiagst
und scheiß egal ob mei herz bliat
loss net zua dassd di für sie vabiagst
und wonn sie niemois
wonn sie niemois
wonn sie niemois
wonn sie niemois
vielleicht is zspät bis sies kapiert

wir gewinnt und donn valierts
wall du liebe nie allanig gspiast
wir gewinnt und donn valierts
wall du liebe nie allanig gspiast

mama

wall du für mi bevorst mi niedaglegt host gsungan host
gonz egal wie bled i woa nie auf mi gspunnan host
wallst mi as erste mol am fuaßballplotz mitgnumman host
voda woa so sötn do deswegn host du des gmocht

wallst jeden ölternsprechtog imma mit humor gnumman host
mir daham gsogt host du waßt genau dass i mein weg moch

und wiesd bei mir unta meim bett des sackerl gfunden host
host as ohne wort entsorgt und nur gmant dass du des hosst
host mit mia dei gonzes leben imma dei weisheit tallt
ka pflosta auf a wundn kleben walls ohne schnölla verhallt
und hob i gwoat auf di im regen host die imma beallt
wall du nie gnumman host nur geben als hättst flyer vatallt

wallst jedes mädl akzeptiert und aufgnumman host
obwuist vo aunfang an scho gwusst host dass is valoss
wall du mein schädl akzeptierst und mi draufkumman losst
jede lost wird erst zua lost wonnst as a lost sein losst

wonn du mi scho seit drei tog zehn moi aungruafn host
nur i nimm ma ka zeit fia di wofür i mi hoss
net nua dass du mia dann kane vorwürfe mochst na
du lochst ins telefon und frogst bua wos host gmocht

host mit mia dei gonzes leben imma dei weisheit tallt
ka pflosta auf a wundn kleben walls ohne schnölla verhallt
und hob i gwoat auf di im regen host die imma beallt
wall du nie gnumman host nur geben als hättst flyer vatallt

und is amoi so weit dass die dei kroft valosst
steh i scho bereit und waß genau wos ma mocht
wall i hob vo da besten glernt wie olle wundn vahalln
und werd geben wie du geben host und flyer vatalln

stufen

du brauchst nur rufen waßt gonz genau dass i kumm
auf ana stufen woan wir zwa nie i woa dumm
so dumm zu glauben dass du a kummst wonn i schrei
nur deine augen sehn fia an zweiten net gnua weit

i kumm imma wieder zu dir wall
i dumm bin unds niemois kapier wall
i kumm anfoch net los vo dir

du host nix wos du gebn host jemois gebn um zu gebn
du host ois ghobt wosd wuin host und selbst des war da zweng
und jetzt stehst auf der stufen nur es steht kana nebn
wall du host nix wos du gebn host jemois gebn um zu gebn

du nimmst die kurven waßt net genau wos donn kummt
i hob no gruafn nur bei deim sound is vastummt wall
du so laut lebst dassd mi net heast wonn i schrei
wos mia vatraut is nur selbstwert is mir einerlei

wall i kumm imma wieder zu dir wall
i dumm bin unds niemois kapier wall
i kumm anfoch net los vo dir

du host nix wos du gebn host jemois gebn um zu gebn
du host ois ghobt wosd wuin host und selbst des war da zweng
und jetzt stehst auf der stufen nur es steht kana nebn
wall du host nix wos du gebn host jemois gebn um zu gebn

bist daham wo dei herz is bin i nirgends daham
gemeinsam einsam dann is gscheiter allan

nua i kumm imma wieder zu dir wall
i dumm bin unds niemois kapier wall
i kumm anfoch net los vo dir

du host nix wos du gebn host jemois gebn um zu gebn
du host ois ghobt wosd wuin host und selbst des war da zweng
und jetzt stehst auf der stufen nur es steht kana nebn
wall du host nix wos du gebn host jemois gebn um zu gebn

eine ins leben

bist du a stuiza jus-student im 30sten semester
oder host schwoaz nussschnops brennt im kölla von da schwesta
sitzt du gern im admiral beim obstsalot vorm büdschirm
oder fladerst radikal am opernball a glühbirn

scheißegal wos du mochst wos du tuast wos du bist
mit wem du schlofst wos du suachst und egal wos du frisst
moch da a geile zeit mit deine leit und donn stöst da de froge

wo foah ma hin eine ins leben
wo foah ma hin mia foahn eine ins leben
suach ned an sinn es wird kan gebn
wo foah ma hin mia foahn eine ins leben

waunnst waßt dassd murgn leidn wirst
wennst sogst dassd heit auf ans gehst
und kummts vor dass wennst wen chauffierst
von ö3 schnö auf ö1 drehst
schiffst an stoakstromkostn on
und merkst dass er ned la is
grobst du oft die hosn on und stehst oba auf hawis

scheißegal wos du mochst wos du tuast wos du bist
mit wem du schlofst wos du suachst
und egal wos du frisst
moch da a geile zeit mit deine leit
und donn stöst da de froge

wo foah ma hin eine ins leben
wo foah ma hin mia foahn eine ins leben
suach ned an sinn es wird kan gebn
wo foah ma hin mia foahn eine ins leben

es geht immer up and down so wie ba die vengaboys
es geht um flops es geht ums traun und dass du wie jenga foist
hängt dei kopf bist charlie brown bist vom lebn enttäuscht
des schene an enttäuschung is du bist donn ent-täuscht

und merk da des an scheiß muasst du es is dei leben
und wennst donn auf die pappn foist waßt du du host ois gebn
sie müssen ihrem leben einen sinn geben
an scheiß muass i

wo foah ma hin eine ins leben
wo foah ma hin mia foahn eine ins leben
suach ned an sinn es wird kan gebn
wo foah ma hin mia foahn eine ins leben

wo foah ma hin eine ins leben
wo foah ma hin mia foahn eine ins leben
suach ned an sinn es wird kan gebn
wo foah ma hin mia foahn eine ins leben

warm und wärmer

ois hab i mi friara traut
da war ka gegner zgroß ka schanzen zhoch baut

nix war seinerzeit danebn
da war ka sinn da war ka grund da war leben

frei hab i scho immer gspiat bist nur dann wannst net waßt wies wiad

nur wo zum teifl is die ganze leichtigkeit stattdessen hob i zweifel und an nix a freid
und wozu geißel i mei ganze dreistigkeit
in stan wars immer gmeißelt und mei fleiß vertreibts
kalt und kälter bin i scho wuadn und fast dafruan

gmoit in alle farben gstrohlt jedes zukunftsbild hat gschimmert in goid

glick a anderes niveau
des hast net gfunden hast net gsuacht des woa do

tod a seltsamer begriff
des bleibt er a
so let die and live

nur wo zum teifl is die ganze leichtigkeit
stattdessen hob i zweifel und an nix a freid
und wozu geißel i mei ganze dreistigkeit
in stan wars immer gmeißelt und mei fleiß vertreibts
kalt und kälter bin i scho wuadn

i wü a fest für jeden anzelnen von olle meine fehler feiern
akzeptieren dass i am schiff nur mitfahren kann
i werds net steuern
bist an bord is schwer woanders anheuern
und jeder waß gebrannte kinder fiachtn as feuer
net zagehn i wüs vastehn und innerlich a erfossn
jede perfektion is endlich und wird vablossen
du fühlst di jetzt fragiler und bist kurz vorm sprung
nur nix macht di stabiler als veränderung

drum jag die zweifel jetzt zum teifl vaschiab die zeit
weit und breit ka leid ka neid nur leichtigkeit
du gspiast dassd jinga wirst ois wird zua kleinigkeit
du bliast weilsd nimma friarst fast so wie seinerzeit
du bliast weilsd nimma friarst fast so wie seinerzeit
warm und wärmer wirds wiesd as kennst
schau dassd net vabrennst

jedermann

liebe mocht net blind sondan nua die augn gschwuin
wie a stoaka wind den de staudn net trogn wuin

meine freind hom gsogt du host mi net vadient
du bist unreif unehrlich no a klanes kind
i hobs net hean woin i hobs net seng soin
liebe mocht net blind sondan nua die augn gschwuin
wall spätestens noch am joah hob i gseng dass
du neben dir kan ondan menschen lebn losst
und nix gebn host und jeden stehn losst
der net bedingungslos fia di anfoch sei lebn losst

und jetz gspiast dass du gfriast wenn du net ghoidn wiast
du vabliast und valiast wall du niemois kapiast
dass du den anen ghobt hättst der die ghoidn hätt
der fia di die greßtn fösn afoch gspoitn hätt

und net nur dass du des niemois vastehn konnst
i wa mit dia durchn schlimmsten olla regn tonzt
und a wonn du des niemois mehr so sehn konnst
i hätt olles fia di tan damit du schwebn konnst
a gonzes lebn long
wär i dei jedermann
und hätt da jeden tog aufs neiche zagt wie weit i fia di gehn
und zu dia stehn konn
a gonzes leben long
wall du fia mi de ane woast ohne dei i niemois lebn konn

und deine freind hom gsogt des hotta net vadient
schau dazua dassa di wieda zruck zu si nimmt
owa du host nua glocht und dei spieglbüd kennt
und wos host du gmocht dia deine fliagl vabrennt

jetzt kumm ma net mit föhla gmocht sog net es tuat da lad
dass i von onfong an recht ghobt hob waß i söwa a
und wonn i dia no an klan tipp auf deim weg mitgebn darf
um a liebe kämpft ma währenddessen net danach

und jetzt wanst und zergehst wall du oll des ersehnst
wos grod vor dia verwest und du longsom vastehst
dass du den anan ghobt hättst der die ghoitn hätt
der fia di die greßtn fösn afoch gspoitn hätt

und net nur dass du des niemois vastehn konnst
i wa mit dia durchn schlimmsten olla regn tonzt
und a wonn du des niemois mehr so sehn konnst
i hätt olles fia di tan damit du schwebn konnst
a gonzes lebn long
wär i dei jedermann
und hätt da jeden tog aufs neiche zagt wie weit i fia di gehn und zu dia stehn konn
a gonzes leben long
wall du fia mi de ane woast ohne dei i niemois lebn konn

a gonzes lebn long

liebe mocht net blind sondan nua die augn gschwuin
wie a stoaka wind den de staudn net trogn wuin
fost wie bei am kind wos die augn net glaubn wuin
wie da kuss von klimt den die fraun net hom wuin

wannst schlofst

wannst schlofst donn kann i mit dia reden
wall donn kummt ma vua du huachst ma zua
donn hob i ka angst vor meine tränen
und trickat san se a bis in da frua

nua meine brochanen vasprechen
san gesprochane vabrechen
die betroffane zabrechen
und zabrochanes belächeln

nua bitte bitte bitte schiaß mi net o
schau schau i fleh scho
mei großes ego
nimmst ausanonda wie lego
kumm wirf mi net o
wie beim rodeo
gib mir a take no
und nimm mi auf wie a demo

wonnst schlofst donn foits ma anfoch leichta
wall net ois wos gsogt gheat muass gheat wean
as schlechte gwissen hetzt net na es schleicht mehr
drum woch net auf sunst muaß i ois zastean

ehrlich pleat am längsten
wü dein schmerz net sehn
am besten du vadrängst eam
donn schlofst und i konn reden

nua bitte bitte bitte schiaß mi net o
schau schau i fleh scho
mei großes ego
nimmst ausanonda wie lego
kumm wirf mi net o
wie beim rodeo
gib mir a take no
und nimm mi auf wie a demo

kumm schiaß mi net o
schau schau i fleh scho
mei großes ego
nimmst ausanonda wie lego
kumm wirf mi net o
wie beim rodeo
gib mir a take no
und nimm mi auf wie a demo

donn konn i mit dia reden
schiaß mi net o
schiaß mi net o
wall donn kummt ma vua du huachst ma zua
du huachst ma zua
ob i ka angst vor meine tränen

bitte bitte bitte schiaß mi net o

schiaß mi net o
schau schau i fleh scho
mei großes ego
nimmst ausanonda wie lego
kumm wirf mi net o
wie beim rodeo
gib mir a take no
und nimm mi auf wie a demo

schiaß mi net o
schiaß mi net o
schiaß mi net o
schiaß mi net o
schiaß mi net o

bitte bitte schiaß mi net o
valoss mi ned

wannst schlofst donn kann i mit dia reden
wall donn kummt ma vua du huachst ma zua

Spotify iTunes Amazon

unerhört solide

Release Date : 1. September 2017
Format : CD