do is a stimm in meim kopf
dei ma diktiert dass is schoff
do is a stimm dei mi egal
wie harts is niemois valosst

do is a gfühl in meim herz
des pusht mi immer vorwärts
des gfühl huit olles aus mir außer
scheißegal wie sehrs schmerzt

do is a wille in mir den i in stille kaschier damit i alle kräfte sammel und mei zü kalibrier mi fokussier und justier mei visier und marschier in mei revier wo i mit ansog anfoch nur eskalier

donn kummt des adrenalin des schiabt wie amphetamin und boxt di fiari wie a grode von muhammed ali
und jetz is so wiesd as kennst du motivierst di und brennst
du gspiast dass du ois kontrollierst und bist in deim element
du nimmst die schmerzen in kauf du bist drauf hast an lauf du waßt egal wer si in dein weg stellt es hoit di nix auf

wall wer du bist is was du gspiast wonnst di in deiner stimm valierst
schneid kannst net kafn a herz net trainieren dei stimm wird immer soufflieren und host di verlafn dann hea auf dei stimm sie losst di weitermarschiern

do is a stimm in deim kopf dei da diktiert dassd as schoffst die stimm holt alles aus dir auße is dei treibende kraft aus am beruf wird berufung a versuch zur versuchung jeder zweifel wird zerkleinert und a ferne vermutung und du zreißt di fürd leit und du verbeißt di mit freid und du verzeihst da kane fehler mehr und waßt es is zeit weil du host bluat gleckt hots guat gschmeckt hots in dir den mut geweckt zwa schritt fiare kana zruck du huist da des wos da zuasteht

wall wer du bist is was du gspiast wonnst di in deiner stimm valierst
schneid kannst net kafn a herz net trainieren dei stimm wird immer soufflieren und host di verlafn dann hea auf dei stimm sie losst di weitermarschiern

i wü net dasst ma gheast i wü dasst ma an bam aufstellst wannst di net scheast
und i wü dass du so fühlst dass du ohne mi kannst aber net ohne mi wüst
dass du ohne mi kannst aber net ohne mi wüst
und i wü wann is net gspia dasst ma offen ins gsicht sogst wann i di verlier
und i wü wall i so bin dass du des wüst wos i wü von dir grod wall i so bin

damitst waßt wie i fühl werd is da erklärn mit dir wü i net oid werdn mit dir wü i jung sterbn
mit dir wü i net oid werdn mit dir wü i jung sterbn

und i waß wos i an dir hob
wall du ois perfekt zammfügst wie a kaleidoskop und i werd wallst as vadienst di auf händen durchs lebn trogen als klaner verdienst
di auf händen durchs lebn trogen als klaner verdienst

und i waß dass a liad schnö vablosst
doch i werds da beweisen solang du mi losst
und i werd wannst as ma sogst
dir zuhören wie du fühlst und was du wüst wann du magst

damitst waßt wie i fühl werd is da erklärn mit dir wü i net oid werdn mit dir wü i jung sterbn mit dir wü i net oid werdn mit dir wü i jung sterbn

greif mit mir noch die stern und vabrenn da die finger vielleicht weama rean oba vielleicht hoits für immer
greif mit mir noch die stern und vabrenn da die finger vielleicht weama rean oba vielleicht hoits für immer
greif mit mir noch die stern und vabrenn da die finger vielleicht weama rean oba vielleicht hoits für immer
greif mit mir noch die stern und vabrenn da die finger vielleicht weama rean oba vielleicht hoits für immer
greif mit mir noch die stern und vabrenn da die finger vielleicht weama rean oba vielleicht hoits für immer
greif mit mir noch die stern und vabrenn da die finger vielleicht weama rean oba vielleicht hoits für immer

kummst net auf vor lauter schädelweh und speibst du di an
musst du unverzüglich diesen detox blues einihaun
is die bremsspur in der unterhosen massive n brown musst du unverzüglich diesen detox blues einihaun
wall der blues di reproduced wie a red bull mit grey goose and the detox blues moves ya straight in the dusch
and when you’re steppin‘ out again but still have a blutzer don’t throw the flint ins korn cuz here comes the booster

the di the do the detox blues richt da deine wadln fiari ohne dass du wos tuast
the dai the dau du dodl du do
it’s a one for the detox two for the show

du wochst auf und gehst ins bad
kannst deine augen net traun dir steckt a wasserwaag im oasch und du bist gschminkt wie a clown
a beim letzten dodl springen die alarmglockerl an es is aller höchste zeit zum detox blues einihaun
wall beim blues da stayst amused wie bei die leisten da schuster n the blues is always good news sprach zarathustra
der blues is nummer ans der welt wie einst thomas muster und wall si do jetz nix mehr reimt kummt anfoch wieder der booster

the di the do the detox blues richt da deine wadln fiari ohne dass du wos tuast
the dai the dau du dodl du do
it’s a one for the detox two for the show

don’t need no essigpatscherl
don’t need no wärmeflascherl
don’t need no inhalator
the detox blues is my generator
don’t need no aspirina
no salbei-tea with ingwer
don’t need no grünkernsmoothie
all i wanna hear is my detox bluesie

hand aufs herz wir wissen söwa wos für nichtiger schwochsinn die nummer is owa sie hot an groove und a kroft drin
drum sing i den blues die ganze zeit wann i woch bin und loss mi vo eam treiben wie blattln in aner dochrinn

wall da detox blues is wie a beatbox-groove and you’re gonna keep on running als hättst reebok shoes
san kane detox jazzer
kane detox rocker
wir san watschenanfoch gonz normale detox opfer

the di the do the detox blues richt da deine wadln fiari ohne dass du wos tuast
the dai the dau du dodl du do
it’s a one for the detox two for the show

the di the do the detox blues richt da deine wadln fiari ohne dass du wos tuast
the dai the dau du dodl du do
it’s a one for the detox two for the show

spü ma a liad a liad mit ana melodie wie a symphonie
spü ma a liad a liad voll poesie und melancholie
spü ma a liad wos mi rean losst mi hean losst wie i auf die knia nur noch scherbn foss walls kerben losst
a liad wo i on an bestimmten menschen nur denk an dem i häng

erzähl ma a gschicht die jede hoffnung niederbrennt ka happy end
erzähl ma a gschicht die jedes licht in pure dunkelheit tränkt am firmament
erzähl ma a gschicht wos mi rean losst mi hean losst wie i auf die knia
nur noch scherbn foss walls kerben losst a gschicht wo i on an bestimmten menschen nur denk den i verdräng

jetz loss mi rean jetz loss loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

loss mi rean jetz loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

gib ma a gfühl wos i mit lieder und mit gschichten vabind und mi vaschlingt
gib ma a gfühl es peitscht mi nieder wie die fichten da wind mei sicht vaschwimmt
gib ma a gfühl wos mi rean losst mi hean losst wie i auf die knia nur noch scherbn fass walls kerben losst
a gfühl wo i on an bestimmten menschen nur denk und no net kenn

jetz loss mi rean jetz loss loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

loss mi rean jetz loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

jetz loss mi rean jetz loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

jetz loss mi rean jetz loss mi zastean
wos mi plean losst loss as mi hean
loss mi sterbn loss loss mi vazerrn wie a fernglas an fernen stern

spü ma a liad wos mi rean losst mi steam losst

es is jetzt 4 5 6 wochen her dass du mi nimmama mehr wuitast wall i bin da jo vü zu zu zu zu
jo wos bin i da zu di scherts hoit net mehr dann steh dazu du blede kua
daspoa ma des gschea
du brachst mehr zeit für di kauf da a sanduhr
dir passt goa nix mehr host eh gwand gnua
und jetzt siech i di zum ersten mal mit eam auf da stroßn tuat ma lad den anblick hob i nimma dabloßn

mädl pock i wirklich net wos dei neicha sui der hawi trog a tuansackl geht er no ind schui
wos wüst du von dem buam des is a schwammerl der dillo
mit nosse hoa bringt ers vielleicht auf stuize 50 kilo
und i woa a ka rosenkavalier
oida a tuansackl willst mi provozieren und i woa a ka richtig guter fang
nur der wappler geh bitte schau dan aun

es is jetzt 7 8 9 wochen her dass du mit deim neichn freind zaum bist und jetzt host scho a tattoo
a dreieck mit am pfeil wos auf deim knöchl is hand aufs herz scho a bissl lächerlich
und tuat ma lad dass i eich jetzt a bissl unguat ins wort foi
nur a mac book air mocht aus eam kan andy worhol
auf bali fahrts natürlich a no
des longboard-äquivalent zu lignano

ge siechst des net des heisl spielt net in meiner liga weil I bin a bugatti er a fiat multipla

herst mädl pock i wirklich net wos dei neicha sui der hawi trog a tuansackl geht er no ind schui
wos wüst du von dem buam des is a schwammerl der dillo
mit nosse hoa bringt ers vielleicht auf stuize 50 kilo
und i woa a ka rosenkavalier
oida a tuansackl willst mi provozieren und i woa a ka richtig guter fang
nur der wappler geh bitte schau dan aun

wos hot di in seinen manbun gezogen
und losst er di sei fensterglosbrillen trogen

wos hot di in seinen manbun gezogen
und losst er di sei fensterglosbrillen trogen

und hot er di wie i indn himmel ghoben
und jetzt waß i i hob mi für di verbogen

und mädl i bin wirklich froh, dassd an neichn host
i woa verletzt und deswegen fost vor neid erblosst
i wünsch da ollas guade und siech nur mehr dei rücklicht
und hoff du wirst bei deim neichn holzfäller glücklich
und i hoff ers dei rosenkavalier
mit voibart und die hosen üwan knia
und i hoff ers a richtig guada faung,
wall jeder hot sei tuansackl zum trogn

i hob imma glaubt dass i genau waß wos i wü und heite bin i 83 und sunst net bsunders vü
a mei lebn long hob i gsuacht und grobn und zugschitt und vadrängt
und heite bin i froh wonn mi mei enkerl no dakennt

zeit zum zruckdrahn hob i net und a scho goa ka kroft drum dats mi gfrein wonnst mi jetz a minuten redn losst
i waß i hob vü foisch gmocht und i waß des tuat da weh nur owakumman werd i net a fia kan schnölln kaffee nur owakumman werd i net a fia kan schnölln kaffee

deswegen hea ma jetz guat zua wall muagn is vielleicht schon zspät
scheiß da nix donn föhlt da nix
und bitte geh dein weg
und wann dann ana mant dassd des net pockst und des nix wird
dem sogst schen dass du heite scho waßt wos muagn vielleicht passiert
dem sogst schen dass du heite scho waßt wos muagn vielleicht passiert

schau guat auf dei mädl und wonns sein sui auf dei kind und gib eam zeit bis vo allan sein weg im lebn find
und vorher sauf die on so oft dassd schoffst und leb die aus dassd später wonnst as gfundn host gonz anfoch net mehr brauchst

und scheißegal obsd fließbandhackler oder doktor wirst
steh zu dir zu deine fehler und auf bade fiaß
steh zu dir zu deine fehler und auf bade fiaß

i glaub jo dass doch so anfoch is wias oiwei klingt nur manchmal brauchts hoit wen der dir des sogt und dir des singt
und wonn du di amoi dann fragst wos hot er mit dem gmant
des worüber du heit lochst
hob i gestern no gwant

wies ma geht
wie suis ma gehn
allan die frog tut mir scho weh

wies ma geht
wos wüstn hean
wonn i schlofn kann dann aus erschöpfung vom rean
I hob beschlossen mi jetzt jeden tog apart zu besaufen
und fong dann mit fremde leit an auf der straßen zum raufen
und a mei sehnsucht ablaktier i höchst kompetent
i schlof mit random frauen damit i net an di denk

es is so vü schen a wonns nur mittel zum zweck is
ganz ehrlich hättst net gfrogt mir wärs net aufgfoin
dassd weg bist i kann mi net beschwern
mir gehts so guat mit am wort i kennt

i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt rean

wos i grad moch wos moch i wui
i denk an di obwohl is net soll wos i grad moch
als konsequenz schul i mi jetzt von schwerverletzt um auf resilienz
und des lebensessenz liegt entgegen der trends net zwischen benz und
residenz und deren impertinenz sondern in der suffizienz
so wie bei bands und ihrn fans
in der konsequenten präferenz zur koexistenz

und es is so vü schen a wonns nur mittel zum zweck is
ganz ehrlich hättst net gfrogt mir wärs net aufgfoin dassd weg bist

i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort: danke gut!

i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort i kennt
i kann mi net beschwern mir gehts so guat
mit am wort
wies ma geht
wie suis ma gehn
allan die frog tut mir scho weh

sie is so vü sche ja so vü sche ja so vü sche is sie
nur mi wirds niemois sehn wirds niemois sehn na na sie sieht mi nie

sie steht auf michael bublé und musik vo john mayer
i steh auf gegen elfe und hea togsüwa slayer
sie geht morgens gern laufen und am obend gern tanzen
i geh a wochen net schlafen dank gewisser substanzen
sie hat an faible für rotwein und erlesene bücher i benebel mei dasein misch mei soda mit schilcher
sie spricht vier fremde sprachen und geht gern ins theater
i hob viermal die wochen schweinelähmung mit kater

und sie hot vü mehr stil hot vü mehr stil hot vü mehr stil ois i und i kan sexappeal kan sexappeal kan sexappeal hob i

sie hot an personal trainer 3-4 moi die wochen i hupf amol vom 10er und die nosn woa brochn
jeden sunntog siehst as wie sie si am bauernmoakt onstöllt da foodora-hawi hot bei mir an zweitwohnsitz angmeld
sie schwört dass ma vom gipflkreiz den schenstn blick hätt
is möglich owa leider schmeckt ma bergauf die tschick net
sie hot würde und anstand und nie an one-night-stand
mei würde is pornhub mei anstand die live-cam

sie is so vü mehr jo so vü mehr jo so vü mehr ois i und i i hob kan flair i hob kan flair i hob kan flair wie sie

sie is da schmied und i da schmiedl
sie is da billa i da lidl
sie is da ansahas wo i niemois da fuchs sein konn
sie trogts mit prada i mit fassung
dass is nie kriegen werd und darum
sing i ihr wie schen sie is so schen

wall sie so schen is und furchtbar mondän is fast so wie a fee is is sie a erlebnis

wall sie is so vü sche ja so vü sche ja so vü sche is sie
nur mi wirds niemois sehn wirds niemois sehn na na sie sieht mi nie

es is a ewige liebe die mi nimois valosst
präziser ois die maschin in deisd beim kiwara blost
massiver ois jedes fertigteilhaus des du dir baust
wer is a der dialekt der in dir steckt den du host
es is a eigenschoft a täu von dir a stück deiner söbst
es is a leidenschoft du beichtest mit eam wia du die fühst
dei dialekt der geht net weg egal wie sehrst di bemühst
so wia a dreckigs häfnpeckerl wo ka laser ned hüft
trog erm mit stolz wie medaille am siegerpotest
wannsn net wuits ereilt eich meinerseits massiver protest
weu was ihr soits is sei wias seids und ned wie irgenda rest
a scheitl hoiz der sie net spoiten losst
nur dass‘d mi vastehst

es is egal ob du an osteinschlag hast oder ob du böllst
nur es gibt nix peinlicheres wie waunnst di vastoillst
so wia foischa freind der bledsinn deiner oiden dazöht
so wia a wiener der im buschenschank a hoibe bestöllt
so wia a deitscher schitourist der sie am tellerlift quölt
so wia a landbua der im burgtheater witze dazöht
i bin a saubauernsinger i a gscherter prolet
habn mehr talent im klanen finger als jeder hauptstadt-poet
und a klanen tipp geben wir euch dringend mit aufn weg
geil muaß klingen und sie singan scheiß egal wers vasteht

und kloa soitast im besten foi die schene sprache a kennan
nur a schena rahmen macht a schiarches büld net schena

fühlst di klan und allan dann lahn di bei mir an
i bring di sicha ham du bist nie mehr allan

und wennst di nimma gspiast und in zweifl verlierst
waßt dass’d mi nie verlierst weilst mei leben verzierst

weilst mi losst wenn ich spinn weil du lochst wenn i sing
weil du frogst is es schlimm dass di plogt wer i bin

i bin der der di hoit der di trogt gonz egal wos di a plogt
der die frogt is dir koit wenn die sunn a nu so stroiht
der dir sogd leg di her du bist ois was i verehr und begehr na du bist nu sovü mehr
nur ka wort ka vergleich gonz egal wia zort und weich
wär so stark dass er reicht dass er für mi unterstreicht
wie bestimmt i empfind weil mei herz noch wortn ringt und anstott dass is probier foll i vor dir auf die knia
und versprich na i schwör i bleib imma amateur
weils ka pflicht is ka zwang sondern lediglich mei drang
dass du waßt wie i fühl dass i di und nur di wü
ka kalkül sondern gfühl und das ohne maß und zü

nur ka wort ka vergleich gonz egal wi zort und weich
wär so stark dass er reicht dass er für mi unterstreicht
wie bestimmt i empfind weil mei herz noch wortn ringt und anstott dass is probier foll i vor dir auf die knia
und versprich na i schwör i bleib imma amateur
weils ka pflicht is ka zwang sondern lediglich mei drang
dass du waßt wie i fühl dass i di und nur di wü
ka kalkül sondern gfühl und das ohne maß und zü

und egal wie du denkst und obst mir dei herz schenkst
i bring di sicha ham und lieb di für mi gonz allan